Champions merr forme, Tirana ende ne kaos

09/06/2009 08:15

Mungon ende edhe vendi i dyte ne kampionatin rumun, ku do te luhet te merkuren java e fundit, ndersa te tjerat tashme jane kompletuar.

Champions League, kompeticioni mbretereshe i UEFA-s per klube, por njekohesisht edhe nder me prestigjiozet ne bote, ka zyrtarizuar tashme skuadrat, qe do te marrin pjese ne edicionin e ardhshem Champions League e re e 2009/2010, qe do te pesoje disa ndryshime ne baze te vendimeve te Komitetit Ekzekutiv. Synimi i ketyre skuadrave eshte t’i rrembejne kuroren Barcelones.

E reja e pare per shqiptaret eshte se kampionia e vendit, Tirana, do te marre pjese ne turin e dyte eliminator te Championsit.

Ndersa Volfsburg, Rubin Kazan, AZ Alkmaar e Standard Liezh do te debutojne per here te pare direkt ne grupe se bashku me 18 skuadra te tjera, te cilat kualifikohen drejte per drejte ne kete faze te edicionit te ri.

Ne total, 22 skuadra nga 13 shtete do te hyjne menjehere ne fazen e vertete te kompeticionit, ndersa 55 te tjera do te marrin pjese ne turet eliminatore.

Do te jene kater ture eliminatore. Turi i pare do te perbehet nga kater skuadra “te vogla”, pasi do te perfshije ekipet kampione te vendeve te renditura mes 48 dhe 53 te renditjes se UEFA-s: Hibernians (Malta), FK Mogren (Mali i Zi), UE Sant Julia (Andorra) dhe SP Tre Fior (San Marino). Ato do te zhvillojne tri sfida vajtje-ardhje ne datat 30.06/01.07.2009 (vajtje) dh 07/08.07.2009 (kthim).

Fituesit do te kalojne ne turin e dyte eliminator ku do te luajne kampionet e 31 shteteve te pozicionuara mes vendeve 16 dhe 47 te renditjes se UEFA-s (perjashto Lihtenshteinin). Ne kete tur merr pjese edhe Tirana. Takimet do te zhvillohen ne 14/15.07.2009 (vajtje) dhe 21/22.07.2009 (kthim). 17 fitueset do te perballen ne turin e trete me skuadrat kampione te vendeve me 13 dhe 15 ne renditje.

Ndeshjet do te luhen me 28/29.07.2009 (vajtje) 04/05.08.2009 (kthim). Dhjete skuadrat, te cilat do te kualifikohen kete faze, do te kalojne ne ndeshjet direkte (play off). Pese skuadrat, qe do te triumfojne ne ndeshjet direkte (turi i katert) gjithnje sipas formules vajtje-ardhje ne datat 18/19.08.2009 (vajtje) dhe 25/26.08.2009 (kthim), do te kualifikohen per ndeshjet ne grupe.

Top Channel