Energi Kotbuz eshte zyrtarisht ne Bundesligen II. Skuadra ku militon fantazisti Ervin Skela ka humbur 2-0 ne fushen e Nyrenberg (pasi u mposht 3-0 ne mesjave) ne takimin e kthimit “play-out” dhe largohet nga elita e futbollit gjerman.
Edhe ne kete takim, vlonjati ka qendruar ne fushe gjate gjithe lojes, por pa mundur te ndihmoje skuadren e tij. Kjo eshte hera e trete qe Skela provon shijen e hidhur te renies nga kategoria ne kampionatin gjerman, eksperience qe me pare e kishte kaluar kur luante tek Ajntraht Frankfurti dhe Kaizerslautern.
Tashme, e ardhmja e kuqeziut eshte e pasigurt. Kontrata, te cilen e rinovoi vetem pak jave me pare deri ne vitin 2011, ishte e vlefshme vetem nese Kotbuzi qendronte ne Bundeslige.
“Per mua aktivizimi ne Bundesligen II nuk eshte nje opsion. Kjo ishte edhe marreveshja qe kisha me klubin”, pohoi mesfushori qe gjithsesi e la deren te hapur per bisedime.
“Gjithsesi, ende nuk mund te themi asgje me siguri te plote. Nese oferta eshte e mire, ndoshta vendos ta mbyll karrieren tek Energi. Kjo do te jete kontrata ime e fundit si profesionist dhe natyrisht qe aspekti financiar eshte mjaft i rendesishem”.
Tashme mbetet per t’u mesuar vendimi i klubit, edhe sepse bilanci per sezonin e ardhshem bie nga 23 ne 13 milione euro. Gjithçka do te varet edhe nga ofertat e tjera, por nje gje eshte e sigurt: Kotbuz nuk ka qene nje stacion i perkohshem per Skelen. 32-vjeçari eshte mjaft i lidhur me qytetin dhe skuadren.
Top Channel
