Besart Berisha ka mbyllur perpara kohe huazimin e tij me Horsens, ne SAS Ligaen nga anglezet e Bernlit.
Pas problemeve disiplinore te muajit te fundit, ku sjella e lojtari te Kombetares shqiptare eshte cilesuar “e denje per nje adoleshent”, dje ne mesdite ka ardhur edhe perjashtimi nga skuadra.
Shkak eshte bere goditja me grusht ne koke e sulmuesit shqiptar, ndaj shokut te skuadres, Kenet Emil Petersen, ne seancen stervitore te se henes. Pas incidentit, drejtuesit e klubit vendosen te nderpresin bashkepunimin me sulmuesin kosovar, por pa dhene detajet.
“AC Horsens ka vendosur te nderprese me efekt te menjehershem bashkepunimin me Besart Berishen. Ai eshte perfshire ne nje incident ne stervitjen e se henes dhe si pasoje nuk do te aktivizohet me skuadren tone”, thuhej ne deklaraten e Horsens.
Megjithate, mediat daneze kane zbuluar per çfare behej fjale: nje sulm fizik i Berishes ndaj nje shoku te skuadres. Sipas tyre, mbrojtesi Petersen e ka kritikuar 23-vjeçarin per impenjimin e paket, ndersa kuqeziu reagoi duke e goditur.
Eshte dashur nderhyrja e lojtareve te tjere te Horsensit per t’i dhene fund “çmendurise” se Berishes. Trajneri Henrik Jensen nuk ishte prezent gjate episodit, por u njoftua nga ndihmesit e tij. Sipas drejtuesit te stolit, nuk ka dyshime: sulmuesi duhet te beje valixhet gati dhe te kthehet ne Angli.
“Nuk mund ta pranojme nje veprim te tille. Kjo sjellje me ka zhgenjyer, por ne kemi rregulla dhe per klubin ky incident eshte i papranueshem”, tha Jensen. Horsens duhet te fitoje ndeshjen e fundit te kampionatit dhe te shpresoje qe Sonderjisk te humbase, per te mbijetuar ne elite. Ndersa Berisha kthehet te Bernli, qe me fitoren 1-0 perballe Shefilld Junajtid, ne takimin “play-off” te luajtur te henen, eshte rikthyer ne Premiership pas 33 vjetesh.
Top Channel
