Sport

Kombetarja, lista paraprake e Kuzhe me 27 emra

26/05/2009 15:45

Trajneri i ri i perfaqesueses Shqiptare, Josip Kuzhe do te filloje nga dita e premte grumbullimin me lojtaret per ndeshjen eleminatore te 6 qershorit me Portugaline dhe per miqesoren e 10 qershorit me Gjeorgjine.

Si rralle ndonjehere, jane grumbulluar 27 lojtare per keto dy ndeshje. Kjo eshte nje kerkese qe ka bere vete trajneri per t’u njohur me mire me skuadren qe me pas te arrije te krijoje nje liste lojtaresh te tijen, pavaresisht informacioneve te marra. Ky eshte nje grup lojtaresh i keshilluar edhe nga specialiste te federates.

“Kuzhe ka pothuajse nje jave qe punon me listen. Eshte konsultuar edhe me specialistet e FSHF-se. Lista eshte shume e gjate me 27 emra, por nuk eshte perfundimtarja dhe eshte lista e tij e pare. Trajneri do te njohe skuadren dhe sigurisht do beje zgjedhjet e veta”, shprehet zedhenesi i FSHF-se, Tritan Kokona.

Ne kete grumbullim nje javor, kombetarja A do te kete edhe nje ndeshje kontrolli diten e marte me 2 qershor me kombetaren U-17. Ende nuk eshte percaktuar se ku do te zhvillohen seancat stervitore te perfaqesueses. Keto dite, trajneri Kuzhe ka vizituar stadiumin e Beses dhe te Teutes per te zgjedhur me te pershtatshmin per kete faze pergatitore.

Per ndeshjen me Portugaline do te kete dhe nje rishikim te cmimit te biletave; 5000 leke do te jete cmimi i tribunave kryesore, nderkohe qe nje bilete per tribunen D2 do te kushtoje 2000 leke, nga 1000 mije lek tribunat D1 dhe D3, nderkohe qe tribunat pas portave do te kushtojne vetem 300 leke.

Lista;

Isli Hidi (Kryvbas Krig)
Samir Ujkani (Palermo)
Enea Koliqi (Iraklis)
Debatik Curri (Vorskla Poltava)
Armend Dallku (Vorskla Poltava)
Kristi Vangjeli (Pa skuader)
Andi Lila (Tirana)
Elvin Beqiri (Vllaznia)
Ansi Agolli (Tirana)
Endrit Vrapi (Elbasani)
Admir Teli (Karabakh)
Lorik Cana (Marseje)
Ervin Skela (Energie Cottbus)
Ervin Bulku (Kryvbas Krig)
Gilman Lika (Hacetepe)
Dorian Bylykbashi (Kryvbas Krig)
Jahmir Hyka (Mainz)
Klodian Duro (Omonia)
Elis Bakaj (Dinamo)
Gjergj Muzaka (Tirana)
Emilian Vila (Teuta)
Jetmir Sefa (Tirana)
Hamdi Salihi (SV Ried)
Erjon Bogdani (Chievo Verona)
Edmond Kapllani (Karlsruhe)
Besart Berisha (Horsens)
Migen Memelli (Tirana)