Laze: Lojtaret kane turpin me te madh

23/05/2009 09:45

Presidenti i Elbasanit, Arben Laze, shfaqet serish, kete here per te folur per renien e skuadres verdheblu nga Kategoria Superiore.

Edhe pse matematikisht kampionet e sezonit 2005-2006 jane ende ne loje, largimi nga elita duket i paevitueshem, pasi Apolonia dhe Bylis i kane tri piket te sigurta (me Shkumbinin dhe Dinamon).

Drejtuesi verdheblu ka folur per situaten e krijuar, duke cilesuar futbollistet e skuadres fajtoret kryesore dhe mbajtesit e turpit me te madh.

“Si ndihem pas renies se Elbasanit nga kategoria? Sinqerisht shume keq”, deklaroi Laze. “Te gjithe jemi fajtore per kete qe ndodhi, duke filluar nga une i pari. U premtoj tifozeve se do ta kthejme skuadren aty ku i takon. Megjithate, futbollistet duhet te mbajne turpin me te madh per largimin nga elita”.

Ne javet e fundit eshte perfolur per nderhyrje te forta te politikes, duke favorizuar skuadra te caktuara, ku ne qender te akuzave eshte Bylisi. “Nuk me intereson aspak politika dhe çfare ben ajo, perfundoi presidenti Laze. Mund te them se ne nje fare menyre fajtore eshte edhe Federata e Futbollit me kalendarin e ndeshjeve, ku disa skuadra impenjohen disa jave para mbylljes se sezonit”.

Top Channel