Rugova largohet nga Kombetarja: Mungojne fondet

15/05/2009 09:35

Kombetarja e futbollit ne Kosove mbetet pa trajner. Drejtuesi i stolit, Edmond Rugova, i dha lamtumiren skuadres. Arsyet kryesore qe e shtyne ish-lojtarin e famshem te Prishtines se viteve ‘80 te merrte vendimin ekstrem ishin problemet ekonomike.

“Duke qene i vetedijshem per veshtiresite financiare me te cilat perballet Federata e Futbollit dhe Ministria e Sportit, perpara nje muaji kam hartuar nje projekt te ri, me buxhet minimal, nepermjet te cilit do te mundesohej nje pune me e reduktuar, por sistematike me ekipin. Megjithate, askush nuk dha pergjigje konkrete”, deklaroi trajneri ne nje konference per shtyp.

“Me kete situate, e shoh te arsyeshme te mos e vazhdoj me punen time ne postin e trajnerit te perfaqesueses se Kosoves. E them kete, sepse puna e deritanishme dhe kushtet per te ardhmen nuk e justifikojne pergjegjesine qe kemi ndaj futbollisteve dhe dashamireve te futbollit kosovar”.

Rugova konfirmoi se eshte impenjuar edhe personalisht per te gjetur fonde, por kjo ka qene e pamundur. Sipas tij, nuk eshte normale qe ekipi Kombetar te grumbullohet vetem nje here ne vit. “Jam angazhuar personalisht per te kerkuar ndihme financiare. Jane te pakta dyert ku nuk kam trokitur. Per me teper, Federata duhet te zoteroje mjetet e veta financiare. Kreret e futbollit e perkrahen programin tim, por nuk arriten te krijonin kushte per realizimin e tij. Nuk mund te pritet nje apo dy vjet per nje grumbullim te ekipit kombetar.

Per ndeshjen miqesore me Malmon kemi shpenzuar shume fonde ne menyre te panevojshme. Ndoshta do te ishte me mire qe ato para te shpenzoheshin ne Kosove. Hapat te cilat i kemi bere deri me tani nuk kane qene te ‘goditura’”, perfundoi Rugova.

Top Channel