Tirana synon te ruaje futbollistet e saj

12/05/2009 09:35

Miqesorja e sotme ndaj Milanit ka vene ne levizje Shqiperine, e cila ka pergatitur nje perfaqesuese mikse, ku jane alternuar disa nga lojtaret e Kombetares A me futbolliste te rinj te kombetares U-21.

Grupi i lojtareve te thirrur nga trajneri Artan Bushati, eshte grumbulluar gjate dites se djeshme ne hotel “Dyrrahu” ne zonen e plazhit te Durresit. Te paret qe kane mberritur ne dyert e hotelit kane qene disa prej legjionareve, ndersa deri ne oret e pasdites trajneri Bushati ka pasur ne dispozicion te gjithe grupin.

Ne loje do te jete trofeu i “Taçi Oil Albania Reads”, por kjo sfide duket se do te kete me shume karakter festiv, per vete faktin se impenjimi kuqezinjve nuk pritet te jete si ne ndeshjet e Serise A. Edhe pse konsiderohet si nje miqesore luksi per futbollin shqiptar, Shqiperi-Milan vjen ne nje moment jo fort komod per disa klube kryesore te kampionatit shqiptar, te cilat jane te perfshira ne luften per titullin kampion.

Tirana e konsideron veten te prekur nga ky aktivitet, pasi ne listen e futbollisteve te grumbulluar jane 4 lojtare titullare te saj.

Ndaj burimeve te besueshme prane kampit bardheblu, bejne te ditur se drejtuesit e klubit i kane vene nje kusht trajnerit Bushati: “Aktivizimin vetem per nje pjese loje ndaj Milanit te lojtareve te tyre”. Kjo kerkese mbeshtetet ne faktin se Tirana synon te ruaje ne nje forme fizike te mire futbollistet e saj, pasi ne fundjave do te kete nje ndeshje shume te rendesishme ne rrugen drejt titullit kampion, ate kunder Dinamos.

Kombetares i eshte bashkuar edhe Sabino Plaku, por eshte thuajse e sigurt, qe ai nuk do te aktivizohet ndaj yjeve italiane, per shkak se vuan nga nje demtim i javeve te fundit. Pjesa tjeter e lojtareve te grumbulluar, mendojne se perveç kenaqesise se te luajturit me yje te Serise A, kjo ndeshje nuk ka asgje tjeter.

Por per trajnerin Bushati, qe do te drejtoje kete ekip kunder Milanit, thekson se kjo do te jete nje mundesi shume e mire per te mbajtur nen vezhgim nje pjese te mire te ketyre futbollisteve, te cilet do te aktivizohen.

Kuqezinjte i jane nenshtruar nje seance te vetme stervitore para ndeshjes, ndersa per sa i perket 11-shes titullare, Bushati do te mbeshtetet me shume ne grupin e legjionareve, qe kane mbi shpine edhe eksperiencen nderkombetare me perfaqesuesen.

Top Channel