“Zbarkon” Milani, Shqiperia ne feste

Kuqezinjte e drejtuar nga Karlo Ançeloti do te zbresin sot ne oren 19:00 ne stadiumin “Qemal Stafa”, per te luajtur miqesoren kunder Kombetares “B” te Shqiperise, te vlefshme per trofeun “Taçi Oil Albania Read”.

Kjo eshte hera e dyte qe skuadra, e cila ka fituar me shume tituj ne bote, vjen ne kryeqytetin tone brenda ketij sezoni: ne fakt, me 14 tetor 2008, ata u perballen ne miqesore me Tiranen. Ndeshja u fitua nga bardheblute me rezultatin 2-1. Tashme, kur kane kaluar shtate muajve, sportdashesit shqiptare kane shansin te shohin nje duel me specifike teresisht te ndryshem.

Milani vjen me me shume yje: perveç Ronaldinjos, Maldinit, Sedorf, Inzagit e Shevçenkos, ne stadiumin me te madh ne vend do te zbresin edhe Kaka, Pato, Bekham, Pirlo, Gatuzo, Zambrota e Flamini. Te gjithe yjet e siperpermendur jane pjese e kontingjentit me 21 futbolliste te zyrtarizuar nga Milani vetem pak ore perpara ndeshjes.

Itinerari

 Me tre fitues te “Topit te Arte” ne kontingjent (Kaka, Ronaldinjo dhe Shevçenko) dhe kater fitues te Kupes se Botes 2006 (Zambrota, Pirlo, Gatuzo e Inzagi), Milani do te niset nga Malpensa ne oren 10:00 dhe mberrin ne token shqiptare ne oren 11:45. Pas zbarkimit ne aeroportin “Nene Tereza”, skuadra kuqezi do te udhetoje drejt hotel “Sheraton”.

Ashtu ai edhe gjate vizites se kaluar eshte percaktuar nje konference per shtyp. Ne oren 16:30 Kaka e Bekham do t’u pergjigjen pyetjeve te gazetareve perkrah zv/presidentit Adriano Galiani dhe trajnerit Karlo Ançeloti. Nje detaj interesant per ndeshjen me skuadren e drejtuar nga Artan Bushati, e cila transmetohet direkt ne “SuperSport” ne oren 19:00, eshte se Milani do te luaje me fanellat e para, pra me ngjyrat kuqezi, ndersa Shqiperia do te zbrese ne fushe me fanellen e bardhe me shirita te kuq.

Pas miqesores italianet do te kthehen ne Milano, nderkohe qe ne Tirane festa nuk mbyllet me kaq. Ne nje mbremje gala, fanellat me autografet e lojtareve me te mire te shtate here kampioneve te Evropes, do te dalin ne ankand.

Policia

Mberritja e Milanit ka bere qe nje pjese e kryeqytetit te “blindohet”. Policia ka publikuar masat organizative per mbarevajtjen e sfides se luksit. Sheshet “Italia” dhe “Nene Tereza” do t’i nenshtrohen kufizimit te qarkullimit, duke filluar nga ora 14:00 deri me 21:00.

Masa te forta sigurie do te merren gjate hyrjes se tifozeve ne stadium: forcat blu kane planifikuar kontrolle te imtesishme, per te mos lejuar futjen ne stadium te sendeve te forta, fishekzjarreve, flamujve me shkopinj apo edhe parullave me shkrime te papershtatshme.

Top Channel