KOKSH, Turku kunder statutit: Do njoh Ademin

29/04/2009 21:55

Ministri i Sporteve, Ardian Turku eshte shume prane njohjes se organeve te reja drejtuese te KOKSH-it qe dolen nga zgjedhjet e 20 marsit te ketij viti.

Duke qene ne dijeni te nje perjashtimi nga nderkombetaret, ministri Turku ka pranuar se vendimi i tij do te jete i dhimbshem per sportin shqiptar.

“Une jam ne momentet e fundit kur me stafin tim po konsultohem per te marre nje vendim i cili do te rezultoje me dhimbje. Nuk shoh rruge tjeter ne vendimmarrjen time qe do te mund te rezultonte pa dhimbje. Do te perpiqem te marr ate vendim qe te kete me pak dhimbje. Nuk marr vendime pezullimesh sepse kete te drejte e kane ata te levizjes olimpike sipas hierarkise vertikale”, thekson Turku. Pas pezullimit te asamblese se 7 dhjetorit te kaluar per shkak te dhunes, nje pjese e federatave sportive organizuan nje asamble te jashtezakonshme, nga e cila Esat Ademi u zgjodh president.

Kjo gje solli reagimin e menjehershem te drejtuesve te Komitetit Olimpik Nderkombetar, te cilet paralajmeruan sanksionet e parashikuara per kete shkelje, te cilat cojne nga pezullimi i Komitetit Olimpik Kombetar Shqiptar, deri ne perjashtimin nga familja olimpike.

Top Channel