G99 dhe PLD, protesta per tabelat elektorale
27/04/2009 20:25
Politika shqiptare uron besimtarët myslimanë për Kurban Bajramin 06/06 08:55
Partia G99 protestoi ndaj asaj qe e quajti “dhunim te fjales se lire”.
Kreu i kesaj partie, Erjon Veliaj ishte prane vendit ku u hoq nje nga billbordet ku ishin vendosur sloganet e G99 pergjate autostrades Tirane-Durres.
“Jemi ketu sot per te prezantuar dy Shqiperi, ate te shqiptareve qe jetojne per te ndertuar dhe Shqiperine e Berishes qe jeton duke shkaterruar. Inspektoriati i ndertimit, qe nuk vuri re nje fabrike vdekjeje, gjeti keto tabela qe u hoqen naten. Berisha eshte frikacak dhe godet naten, ai eshte fajtor per kete”, ka deklaruar Veliaj.
Nje veprim te ngjashem ka denoncuar edhe kryetari i Partise Ligj dhe Drejtesi, Spartak Ngjela. “Mbreme nga ora 9, komisariati apo sekretariati i policise ndertimore prane MPPTT, ne menyre arbitrare ka rrezuar billbordet ku ka qene fotografia ime. Duhet te kujtohemi se keta si hordhi kane fyer portretin e nje deputeti dhe per kete do te bej padi penale”, ka pohuar Ngjela.
Por zedhenesja e Ministrise se Transporteve ka reaguar duke deklaruar se vendimi per heqjen e billbordeve ka qene plotesisht i rregullt pasi rruget nuk mund te zaptohen.
“Ky vendim eshte marre ne baze te Kodit Rrugor, qe ndalon vendosjen e nje objekti ne distance te gabuar. Pronari i vetem i rruges dhe territorit prej 25 metrash eshte MPPTT”, ka deklaruar zedhenesja.
Top Channel
