Aston Martin enderron Boterorin 2010

Sipas te perditshmes britanike “Times”, pjesemarrja ne gara lehtesohet nga rregulli per vendosjen e “çatise” ne buxhet, ku shpenzimet sezonale kapin kuoten deri ne 33 milione euro (30 milione sterlina). Me idene e tij, Berni Ekleston synon te minimizoje diferencat financiare mes skuderive, duke favorizuar hyrjen e tri skuadrave te reja.

Perveç Aston Martin, interes per t’u bere pjese e F1 kane shfaqur edhe Lola, konstruktor anglez qe u mungon pistave prej 12 vjetesh, USF1, skuadra amerikane e cila mund t’i besoje nje makine pilotes Danika Patrik dhe Kosuorth. Nese propozimi i Federates Nderkombetare te Automobilizmit miratohet, te katerta keto skuadra mund te behen pjese e gares: kjo do te bente qe numri i njevendeshve pjesemarrese te shkoje ne 26…

Konfirmimi per projektin e Aston Martin ka ardhur nga presidenti Riçards. “eshte nje periudhe e pershtatshme per t’u bere pjese e kesaj mode”, deklaroi ai. “Mendoj se nga percaktimi i nje shifre te arsyeshme, qe do te kufizoje shpenzimet, perfitojne te gjithe.

Formula 1 nuk do te jete me kampionati ku luftojne vetem skuadrat me te pasura, por do t’u jape shans piloteve dhe inxhiniereve qe te shpalosin aftesite e tyre, ashtu si ka ndodhur ne te kaluaren. Ende nuk kemi vendosur asgje, por nese plotesohen disa kushte mund te marrim pjese ne gara. Ideja e buxhetit te kufizuar eshte veprimi me logjik dhe i domosdoshem per mbijetesen e ketij sporti”.

Top Channel