Massa optimist per te ardhmen e sezonit

21/04/2009 20:10

“Nuk e kam humbur shpresen pasi ne Kine ka pasur momente te mira edhe pse gjithcka shkoi keq”.

Me kete fjali, braziliani Felipe Massa kerkon te mbaje lart moralin e skuderise Ferrari qe ne 3 garat e para nuk ka marre asnje pike, duke zhgenjyer plotesisht. “Pres vertet qe te jem me kompetitiv nese do perdorim sistemin Kers qe duhet te na jape nje avantazh ne Bahrein”, thekson nenkampioni i botes, duke pohuar se deri ne momentin e problemit elektrik ai po garonte si i barabarte me dy vendet e para.

“Duhet te vazhdojme punen per te kaluar kete faze. Problemi ne paketen elektronike ishte dicka qe me ndodhte per here te pare. Duhet thene se ne kete periudhe fati nuk ka qene ne anen tone pasi nje problem kaq i vogel na penalizoi”, vijon braziliani i kokekuqes.

Ai ka folur edhe per shefin e ri te inxhiniereve Chris Dyer, i cili mori drejtimin e skuderise ne garen e Kines. “Chris eshte i qete dhe i durueshem kur behet fjale per te marre vendime por eshte shume shpejt per te thene nese ristrukturimi i ri do funksionoje pasi duhet te presim rezultatet e garave me te nderlikuara”, perfundon Massa.

Top Channel