Fazllic, Apeli le ne fuqi vendimin per lirimin e pronave
20/04/2009 15:35
Reshje shiu dhe temperatura të larta, ja si parashikohet moti këtë të martë 06/05 07:29
Tre muaj pas dhenies se vendimit te Gjykates se Shkalles se Pare per zhbllokimin e pronave te Damir Fazllic ne Shqiperi, Gjykata e Apelit ka lene ne fuqi vendimin e gjykatesit Dritan Broci me argumentin se sekuestroja eshte vendosur sipas nje ligji qe ka hyre ne fuqi ne 2008. (UPDATE)
Nderkohe qe vepra per te cilen biznesmeni serbo- boshnjak po hetohet dyshohet te kete ndodhur ne 2007.
Kryesues i treshes gjykuese ishte gjyqtari Alaudin Malaj dhe ne trupe benin pjese edhe gjykatesit Zeqine Sollaku dhe Fatos Qato. Meqenese Gjykata e Apelit eshte teper e mbyllur per publikun dhe mediat, informacioni i ketij vendimi u be i ditur tre ore me vonese nga burime te sigurta te prokurorise.
Ne daten 31 dhjetor ishte gjyqtari Dritan Broci qe rrezoi fillimisht vendimin e prokurorise, e cila po e heton biznesmenin per pastrim parash, madje duke hyre ne themel te ceshtjes, Broci shtoi se rezulton qe Fazllic nuk ka kryer veper penale ne Shqiperi, edhe pse kjo nuk ishte objekt i hetimit gjyqesor ne ate seance.
Ne muajin nentor avokatet mbrojtes te Fazllic iu drejtuan Gjykates se Tiranes per te urdheruar heqjen e sekuestrove mbi shoqerine “Crown Acquisitions”, megjithese prokuroret kembengulin se biznesmeni ka pastruar para duke blere siperfaqe te medha toke ne Durres, ne shumen e 1,7 milione euro ne nje kohe qe kapitali i “Crown Acquisitions” ishte vetem 100 mije leke.
Nderkohe nje proces tjeter pritet te hapet ne Gjykaten e Tiranes pas kerkeses se avokateve qe kundershtojne zgjatjen e afateve hetimor deri ne shtate maj.
Avokatet kerkojne mbylljen e hetimeve, ndersa kerkesa do te shqyrtohet nga gjykatesi Gjin Gjoni.
Top Channel
