Lala: Largimi i Ari Han, vendimi i duhur
17/04/2009 08:40
Pritet shkarkimi i Piolit, Milani nis kontaktet me De Zerbin 20/05 14:13
Altin Lala nuk perdor lojera fjalesh per te thene ate qe mendon. Kapiteni i Kombetares deklaroi se marreveshja ndermjet Federates Shqiptare te Futbollit dhe trajnerit Ari Han, per prishjen e kontrates, ishte vendimi me i mire.
Per 33-vjeçarin, deshtimi i teknikut holandez ne krye te stolit kuqezi ishin humbjet me Hungarine, skuadren qe cilesohej si rivalja direkte ne eliminatoret e Boterorit 2010.
“FSHF-ja dhe Ari Han moren vendimin e duhur, duke zgjedhur qe te mos vazhdonin me punen se bashku, deklaroi Lala per ‘Express’. Hanin e fajesoj vetem qe nuk mundi ta rendiste Kombetaren perpara Hungarise.
Ai e kishte te qarte qe prej momentit kur u emerua, se ata ishin rivalet tane ne grup dhe objektivi ishte te pozicionoheshim nje vend me lart se hungarezet. Trajneri nuk arriti ta realizonte kete. Ndersa, per te tjerat mund te them se grupi yne eshte mjaft i veshtire dhe ekipet e tjera (duke perjashtuar Malten), normalisht qe jane me cilesore sesa Shqiperia”.
Mesfushori shtatshkurter i Hanoverit ne Bundesligen gjermane ishte i pari qe doli “kunder” trajnerit Han, menjehere pas humbjes 3-0 me Danimarken. Ai e ndoqi ndeshjen nga tribuna e stadiumit “Parken”, nga ku mund te analizonte me lehte paraqitjen e skuadres ne Kopenhagen dhe levizjet taktike te “tulipanit”.
Vetem pak ore pas sfides ne Kopengahen, Lala tha: “Nuk fajesoj futbollistet, pasi ata dhane maksimumin. Trajneri eshte personi qe ben formacionin. Nuk duhej te luanim 90 minuta ne mbrojtje. E mbeshtes faktin se duhej te mbroheshim mire, pasi nuk mund te ushtronim presion ndaj Danimarkes, por edhe duhej te sulmonim. Nuk krijuam asnje rast ne porten kundershtare”.
Kapiteni u distancua nga diskutimet nese ne krye te perfaqesueses duhet te emerohet nje trajner i huaj apo shqiptar. “Nuk dua te flas rreth faktit se te Shqiperia duhet te emerohet nje trajner shqiptar apo i huaj. Ky vendim i takon presidentit te FSHF-se, Armand Duka, i cili i njeh mire trajneret. Gjithsesi, nese vendoset te afrohet nje trajner i huaj, kushti eshte qe ta njohe mentalitetin shqiptar”, shtoi Lala. “Pavaresisht se cili do te emerohet, ai duhet te punoje kryesisht ne aspektin e analizimit te cilesive te futbollisteve shqiptare qe luajne si brenda vendit, ashtu edhe neper Evrope. Trajneri i ri duhet te perkushtohet te talentet”. Rreth spekulimeve se ne stolin e Shqiperise mund te kthehet Oto Bariç, kavajasi nuk humbi rastin te bente nje batute: “Perpara se te kthehet ne Kombetare, Bariç duhet te falsifikoje pasaporten, tha duke qeshur. Ai ishte vertet mjaft i pergatitur, por eshte mbi 75 vjeç. Nuk e di sa do te ishte ne gjendje te punonte me skuadren duke pasur parasysh moshen e tij”.
Top Channel
