Ndaj Hungarisë dhe Danimarkës nuk ka mundur të shënojë, por me t’u rikthyer në kampionatin austriak ai konfirmohet si një golashënues i frikshëm.
Shkodrani shënoi në minutën e 60-të golin e barazimit të skuadrës së tij, SV Ried, kundër Altach (1-1) në javën e 28-të të Bundesligës austriake, takim i cili do të mbyllej me këtë rezultatet deri në fund të 90 minutave.
Ky ishte goli i tij i 8-të në kampionat dhe i 13 sezonal, përfshirë dhe 5 të tillë në Kupën e Austrisë. Por, një statistikë e veçantë rreth kësaj çështjeje është zbuluar dje nga mediat austriake.
“Goli i Hamdi Salihit, i shënuar ndaj Cashpoint Altach, është edhe i gjashti i shqiptarit në 7 ndeshjet që ai ka luajtur deri tani kundër kësaj skuadre (Altach)”, shkruante dje faqja “bundesliga.at”.
Shqiptari është konfirmuar si golashënues në radhët e skuadrës austriake SV Ried, pasi gjatë dy sezoneve e
gjysmë me SV Ried (nga janari 2007), Salihi në 68 ndeshje ka realizuar në total 26 gola.
Top Channel
