Aventura e Haan drejt fundit?

Burime jo zyrtare prane Federates Shqiptare te Futbollit thone per Top Channel se drejtuesit e FSHF-se kane vendosur t’i japin fund mardhenies me holandezin dhe gjate ketyre diteve pritet te kete nje takim me menaxherin e teknikut per te biseduar opsionet e largimit te tij. Ajo qe mban ende ne krye te kombetares shqiptare trajnerin Haan eshte shuma e parave qe ai do te perfitoje ne rast te prishjes se kontrates nga ana e FSHF-se qe eshte rreth 100 mije euro.

Qellimi kryesor i tyre eshte te bindin trajnerin te jape vete doreheqjen nga drejtimi i skuadres, e vetmja mundesi qe federata te mos paguaje asnje demshperblim per prishje kontrate. Por edhe nese Ari Haan nuk pranon, sikurse ai deklaroi edhe pas humbjes me Danimarken, drejtuesit e FSHF-se nuk duken te prirur te vazhdojne bashkepunimin dhe mund te mos kursehen ne vendimin per ta shkarkuar ate.

FSHF ka gati edhe emrat e zevendesuesve per kete periudhe tranzitore. Ata jane dy ish emra te njohur te futbollit shqiptar, Bledar Kola, aktualisht trajner i te rinjve te AEK-ut ne Greqi dhe Besnik Hasi, trajner i dyte i Anderlehtit ne Belgjike. Perfaqesuesja shqiptare eshte ne vendin e 5-te ne grupin e 1 te eleminatoreve te Boterorit 2010 dhe ka shume pak shanse qe ajo te mbylle sezonin ne vendin e 4-t qe ishte objektivi kryesor i Ari Haan kur erdhi ne krye te kombetares kuqezi.

Top Channel