Dosjes se Gerdecit pritet t’i shtohet edhe nje akuze tjeter. Kesaj radhe eshte nje padi civile ne ngarkim te firmes “Albademil” me pronar Mihal Delijorgjin, te cilit shteti do t’i kerkoje demshperblim per 2.2 miliarde leke.
Lajmin e konfirmoi per Top Channel avokati i shtetit, Eduard Halimi, i cili po harton padine civile ne ngarkim te Mihal Delijorgjit.
Zoti Halimi pohoi per Top Channel se ky eshte nje veprim i perbashket i prokurorise dhe Keshillit te Ministrave, i cili ka autorizuar avokaturen e shtetit, qe te dorezoje ne Gjykaten e Larte padine civile kunder Delijorgjit, per t’u gjykuar se bashku qe ne seancen e pare gjyqesore ne ngarkim te te pandehurve per tragjedine e Gerdecit.
Padia civile, qe ne gjuhen teknike quhet padia e regresit, sipas nenit 627 te Kodit te Procedures Civile, synon te marre nga llogaria e firmes “Albademil” 2.2 miliarde leke.
Sipas shkreses se prokurorise, kjo eshte shuma qe qeveria ka nxjerre nga buxheti i shtetit per rindertimin e zones se Gerdecit pas shperthimit tragjik te 15 marsit 2008 dhe qe sipas Kodit te Procedures Civile duhet ta paguaje kontraktori qe ka shkaktuar demin.
Avokati i shtetit, Eduard Halimi konfirmon per Top Channel se padia civile ne ngarkim te Mihal Delijorgjit do te depozitohet ne Gjykaten e Larte ne ditet te para te javes se ardhshme.
Top Channel
