5 vende te Ballkanit perendimor, perfshire edhe Shqiperine, firmosen ne Beograd nje deklarate te perbashket per sigurine e kufijve, nje nga kerkesat kryesore per heqjen e vizave me Bashkimin Europian.
E perfaqesuar ne takim nga zevendesministri i Brendshem, Gent Strazimiri, Shqiperia beson se forcimi i veprimeve te koordinuara mes vendeve te rajonit do te rrise sigurine ne Ballkan, duke i dhene nje goditje me te forte krimit te organizuar dhe duke rritur shanset per nje vendim pozitiv te Bashkimit Europian ne lidhje me liberalizimin e vizave.
Sipas zevendesministrit Gent Strazimiri, i cili drejtoi sesionin e pare me teme “Rruga e perzgjedhjes drejt Shengenit”, me luften kunder krimit te organizuar, trafikut te droges e qenieve njerezore, Shqiperia eshte kthyer ne nje vend qe eksporton siguri.
“Gjate vitit 2008 u hapen dhe zhvilluan negociatat me BE-ne per liberalizimin e vizave. Ne kete proces u plotesuan te gjitha detyrimet dhe tani, pas pak ditesh presim ne Shqiperi ekspertet e BE-se ne vleresimin e standarteve te raportuara”, ka deklaruar Strazimiri.
Takimi i Beogradit dhe deklarata e perbashket e 5 vendeve te rajonit per te rritur bashkepunimin mbi sigurine e kufijve eshte vleresuar si nje hap premtues nga ministri i Brendshem i Cekise, qe mban presidencen e radhes te Bashkimit Europian, si dhe nga ministrat e Brendshem te Italise dhe Sllovenise.
Roli i tyre konsiderohet i rendesishem per nje vendim pozitiv te Komisionit Europian, i cili do te vendose ne maj, nese vendet e Ballkanit perendimor i kane permbushur ose jo kushtet per liberalizimin e vizave.
Top Channel
