Tani duket se ka ardhur momenti që Altin Lala të lërë pas krahëve të gjitha vuajtjet nga dëmtimi i pësuar në shtyllën kurrizore dhe t’i rikthehet 100% aktivitetit të tij si futbollist profesionist në skuadrën e parë të Hanoverit në Bundesligën II.
Sipas informacioneve të fundit, mesfushori shqiptar, së bashku me shokun e tij të skuadrës, Çerundolom, do të bëjnë debutimin e tyre pas dëmtimeve përkatëse, pikërisht këtë të shtunë në takimin në shtëpi kundër Bajer Leverkusen.
Një lajm i tillë ka gëzuar pa masë skuadrën e Hanoverit, e cila fiton më shumë siguri, kur ka Lalën në fushë. Shqiptarët do të festojnë kështu rikthimin në fushë pas 99 ditësh. Javën e kaluar ai ka luajtur në radhët e ekipit rezervë të Hanover 96 në Regionalliga me qëllimin e vetëm: ambientimin në fushat e lojës. I gëzuar për këtë rikthim shprehet edhe Mikael Tarnat: “Jam i kënaqur që Altini dhe Stivi u rikthyen, pasi janë lojtarë te të cilët mund të mbështetesh, për të realizuar objektivin, grumbullimin e sa më shumë pikëve”.
Top Channel
