Zevendeskryetari i Keshillit te Larte te Drejtesise, Kreshnik Spahiu, ka dhene alarmin e pergjimeve te pakontrolluara dhe abuzimeve te mundshme me to.
Sipas numrit dy te KLD, duhet te kihet kujdes ne ceshtjen e pergjimeve pasi ka rrezik te shkelen te drejtat e shtetasve referuar shifres se larte te abonenteve nen pergjim, qe vetem per kete vit kapin shifren e 500 personave.
“Rastesisht pash se numri i kerkesave per leje pergjimi eshte teper i larte. Vetem nga menyra se si zhvillohen keto seanca, nuk duhen anashkaluar kerkesat qe paraqet Kodi i Procedures, ne menyre qe keto kerkesa te permbajne respektimin e te gjitha te drejtave themelore te njeriut. Ne raste te tjera kemi konstatuar se jane cenuar lirite dhe te drejtat e njeriut”, ka deklaruar Spahiu.
Mesa duket paralajmerimi i Spahiut ka marre shkas nga zerat qe flasin per pergjimin e numrave pa patur parasysh poseduesit e tyre, cka do te rrezikonte edhe pergjimin e zyrtareve me imunitet, por edhe persona me influence ne boten e biznesit, politikes dhe medias.
Burime nga prokuroria flasin per numrin ne rritje te personave dhe numrave te vene ne pergjim dy vitet e fundit, nje numer qe po rritet me shtimin e temperatures elektorale.
Shpesh kerkesat per pergjim permbajne vetem emrat e personave, por nderkohe kane filluar verifikimet, nese nen emrat e personave qe kerkohen te pergjohen, jane vene edhe numra te tjere, te cilet nuk kane lidhje me ta.
Ceshtja e pergjimeve te celulareve ka qene gjithmone nje ceshtje sensitive dhe megjithe masat e marra edhe nen mbikeqyrjen e nderkombetare, dyshimi se autoritetet mund te abuzojne me to, mbetet shume popullor ne opinionin e qytetareve.
Top Channel
