Hetimet e policise kriminale per atentatin ndaj gjykatesit te larte, Ardian Nuni, kane mbetur ne vend.
Burime te konfirmuara te grupit qe po merret me hetimet policore per identifikimin e autorit te ngjarjes qe tronditi para tre ditesh opinionin publik bejne te ditura, se vete gjyqtari nuk ofron me bashkepunim pas kerkeses se tij, per nje ruajtje te cdo rrethane te ngjarjes, per shkak te pozicionit te tij si gjykates i larte.
Nga te gjitha veprimet proceduriale te deritanishme ende nuk eshte kryer kqyrja e aparatit telefonik te gjykatesit Nuni, i cili nuk ka pranuar ta dorezoje ate eksperteve te policise, per arsye personale.
Kjo ka bere qe grupi hetimor te kerkoje tabulatat telefonike ne operatorin perkates telefonik te celularit qe disponon zoti Nuni.
Policia ngre hipotezen se, nga gjithe rrethi i deshmitareve dhe personave ne dijeni per kete ngjarje, qe ka pyetur ne lidhje me plagosjen e gjykatesit Nuni, ende nuk i ka marre te gjitha hollesite dhe do te kerkoje pyetjen e tyre edhe njehere tjeter ne baze te deklarimeve te para qe kane dhene.
Anetari i Gjykates se Larte Ardian Nuni u plagos ne mbremjen e se dieles ne afersi te baneses se tij, nga nje person qe mbetet ende i paidentifikuar.
Top Channel
