Ne nje lidhje direkte me edicionin qendror te lajmeve ne Top Channel, kreu i ri i KQZ-se, Arben Ristani ka folur per eksperiencen e re ne krye te institucionit me te larte zgjedhor ne vend.
Ai u shpreh i kenaqur per konsensusin qe ka sjelle ne Parlament emri i tij dhe i anetareve te rinj te komisionit. “Propozimi qe me erdhi pas nje konsensusi te gjere parlamentar, ishte perseri pjese e obligimeve te nje juristi me karriere”, thekson Ristani, i cili vuri ne dukje eksperiencen 2 vjecare ne KQZ si anetar.
“Te drejtosh nje institucion nuk eshte njelloj si nje ekip futbolli por do te thote te zbatosh ligjin dhe detyrat qe ka institucioni. Por te besh gjera me mire eshte pjese e dialektikes dhe ne sigurisht do bejme gjera me mire”, iu pergjigj ai pyetjes se cfare do bente me shume ne krahasim me periudhen e drejtimit nga Gjata.
Ne vijim, Ristani komentoi edhe formulen e zgjedhjes se tij ne krye te KQZ-se, duke pranuar se ne thelb qendron substance politike. “Te gjitha formulat do kishin nje ane politike pasi asnje nga KQZ-te e shkuara nuk ka qene e pandikuar nga perzgjedhjet politike. Komisioni eshte zgjedhur me nje konsensus te gjere politik dhe pikerisht ne duhet te pergjigjemi me konseguence dhe pergjegjshmeri te larte detyre. Kemi besim te madh mbi shpatulla per te ndertuar nje pune te mire”, theksoi Ristani.
Ne fund te intervistes, kreu i KQZ-se shtoi se, nese do kete shkelje te ligjit, atehere institucioni qe ai drejton do pergjigjet ne kohen dhe me forcen e duhur.
Top Channel
