Politika nuk heq duart nga sporti

31/01/2009 20:55

Pas ezaurimit te posteve administrative ne cdo hallke politike, tani uria per poste po shtrihet kudo, qofte edhe ne poste pa perfitime financiare, por me nje status te vecante.

Kjo deshire per te qene kudo te pranishem ka sjelle edhe shkaterrimin e imazhit te sportit. Nuk jane sherre rruge, por perplasje te paleve ne asamblete zgjedhore te federatave sportive shqiptare ne fund te vitit olimpik.

2008-a nuk ishte viti i pare olimpik per federatat shqiptare, por ishte viti qe solli risine se edhe ne sport duhet te jete e pranishme politika, duke perfshire ne drejtim njerezit e saj te besueshem.

Gazetaret kryesore sportive ne vend mendojne se kjo eshte nje situate e paprecedent. “Gjykoj qe jemi ne nje situate afer absurdit. Kemi nje nivel financiar qesharak dhe kerkohet te komandohet. Nga ana tjeter eshte edhe autonomia e federatave, qe nuk ekziston. Shteti i tille qenka dhe do vazhdoje rrugen e tij”, deklaron gazetari Fatmir Mneri.

Ne mbledhjen e fundit me perfaqesuesit e federatave sportive, ne fillim te dhjetorit, ministri i Sporteve Ylli Pango serish trumbetoi per statusin tip qe duhej miratuar dhe firmosur nga ai, nje menyre kjo per te legjitimuar federatat dhe per t’i lejuar zyrtarisht qe te zhvillonin zgjedhjet dhe shume federata i kryen pa statusin tip.

“Sporti ne Shqiperi vazhdon te perjetoje nje gjendje informale, nuk eshte kthyer ende ne institucion. Ka pasur disa ligje qe nuk i kane sherbyer shendoshjes se sportit. Federatat duhet t’i bejne zgjedhjet sic kerkon MTKRS”, shprehet Bashkim Tufa, kryeredaktor i gazetes “Sporti Shqiptar”.

Tashme zgjedhjet jane kryer me perfaqesues te ministrise, pa statute legjitime, pa vote te lire dhe me udhezime politike. Pra, jane bere emerimet e radhes, presidente, sekretare dhe organe drejtuese, nje ngjarje e paprecedent por qe gjithesesi konfirmon realitetin qeveritar shqiptar.

Top Channel