Destinacionet më të shtrenjta turistike

Në lupën e portalit informativ kanë përfunduar 700 mijë hotele nga më shumë se 150 site rezervimesh në mbarë botën. Zvicra renditet si vendi më i shtrenjtë, me katër shtetet në krye të listës së dhjetëshes që taksojnë mesatarisht 247 euro nata, ndërsa hotelet më të lira gjenden në Indi dhe Azinë jug-lindore.

Në dhjetëshen e hoteleve me çmimet më të ulëta figuron vetëm një destinacion europian, i cili është Ravda në Bullgari. Greqia është duke përjetuar këtë verë një rekord turistik.

Pronarët e hoteleve gëzohen dhe rrisin çmimet ku të munden, ndërsa qeveria bën thirrje për shmangie të abuzimeve. Shifrat flasin vetë: sivjet priten më shumë se 21 milionë vizitorë në Greqi: 10% më shumë se në 2013-n.

Edhe të ardhurat nga turizimi priten po ashtu të arrijnë nivele rekord, në 13 miliardë euro, bën të ditur Shoqata e Bizneseve Turistike, SETE. Duket se këtë verë turizmi do të jetë komardarja e shpëtimit për ekonominë greke.

Megjithatë, disa hotele po përpiqen të nxjerrin përfitime të shpejta. Këtë korrik, krahasuar me të njëjtën periudhë të vitit të kaluar, çmimet e hoteleve në Greqi janë rritur me 13,5%, sipas Trivago, ndërsa rritje të ndjeshme të çmimeve ka pasur edhe në kryeqytetin Athinë.

Top Channel