Dy persona janë përpjekur të futen në dhomën e spitalit të Grenobles ku qëndron i shtruar Michael Schumacher me qëllim që t’i bënin foto me celular e më pas t’i shisnin këto foto tek ofruesi më i mirë që do i publikonte dhe do i shpërndante në rrjetet sociale.
Sipas gazetës gjermane ‘Bild’, incidenti ka ndodhur para dy javësh dhe është konfirmuar nga burime brenda spitalit. Mendohet se dy personat kanë qenë të afërm të pacientëve të tjerë të katit ku është i shtruar shtatë herë kampioni i Formulës 1.
Ata janë ndaluar nga rojet e qendrës spitalore në momentin kur po hynin brenda në dhomë.
Një incident i tillë ka ndodhur edhe dy ditë pas shtrimit të Shumacher në spital, kur një gazetar i veshur si prift u mundua të futej në dhomën e gjermanit për t’i bërë foto. Atëherë ishin rojet personale të Schumit ata që e ndaluan.
Top Channel
