Kinë, shpërthim në qendër të Pekinit
28/10/2013 15:40
Tjetër tragjedi në ujërat greke! Përmbytet gomonia, vdesin 8 emigrantë 25/11 13:24
Të paktën pesë persona mbetën të vrarë dhe 38 të tjerë u plagoën, pasi një autoveturë u aksidentua në sheshin Tiananmen, në Pekin, duke shpërthyer në flakë.
Tre prej viktimave ishin udhëtarë, ndërsa dy ishin kalimtarë.
Sheshi u evakua mëngjesin e të hënës dhe u rihap pas disa orësh.
Automjeti i aksidentuar humbi kontrollin për arsye ende të paqarta, përplasi disa kalimtarë në trotuar dhe shpërtheu pasi u përplas me një mur kufizues të sheshit qëndror të kryeqytetit kinez.
Fotografi të realizuara në vendngjarje treguan autoritetet duke krijuar një perimetër sigurie përreth automjetit dhe shtëllunga tymi që ngriheshin në ajër.
Një hetim është në zhvillim, ndërsa zyrtar të qeverisë qëndrore dhe Ministrisë së Sigurisë Publike vizituan skenën.
Top Channel
