Pato: Do të qëndroj tek Milan

“Milani komunikon se Alexandre Pato do të veshë ende fanellën kuqezi. Sulmuesi ka vendosur që të vazhdojë me Milanin karrierën e tij të re, të shkëlqyer dhe të suksesshme. Pato është shprehur kështu: “Milani është shtëpia ime. Nuk doja ta ndërprisja karrierën time kuqezi pas fitimit të trofeve të parë me këtë fanellë. Dua të kontribuoj në shkrimin e historisë së Milanit dhe në sukseset e ardhshme duke qenë në harmoni të plotë me ambientin. Jam i gëzuar dhe kjo gjë do më ndihmojë që të jem i karikuar për ndeshjet e ardhshme dhe të kem më shumë entuziazëm, dëshirë për fitore dhe për të bërë gola. Sot për mua është një ditë e veçantë. Falenderoj presidentin Berlusconi, shoqërinë dhe tifozët që kanë besuar gjithmonë tek mua.”

Top Channel