Sarajevë, të shtëna para ambasadës USA
28/10/2011 17:30
Dy deputetë të tjerë braktisin partinë e Albin Kurtit, zbulohet përplasja 01/10 19:01
Një person i armatosur ka hapur zjarr jashtë selisë së ambasadës amerikane në Sarajevë të Bosnje e Hercegovinës.
Sipas agjencisë së lajmeve “Reuters”, policia ka ndërhyrë menjëherë duke rrethuar personin në fjalë, i armatosur me një automatik të tipit “Kallashnikov”, duke e arrestuar.
Mësohet se ai ka mbetur i plagosur nga policia, që i është përgjigjur të shtënave dhe pas vënies së prangave është shoqëruar në spital për mjekim.
Raportohet se nga personat e tjerë që ndodheshin përreth zonës ku u regjistrua ngjarja nuk ka pasur të lënduar.
Zëdhënësja e ambasadës amerikane, Sanja Pejcinovic konfirmoi për agjencinë e lajmeve “AFP” se para selisë diplomatike ndodhi një “incident”.
Mediat boshnjake raportojnë se atentatori, emri i të cilit nuk bëhet i ditur, është anëtar i sektit fondamentalist islamik Wahabi.
Top Channel
