Izraeli kryen sulme në Iran! Këcënimi i një koflikti të ri në Lindjen e Mesme 19/04 07:13
Ish-diktatori Hissene Habre u lirua dy muaj nga burgu, nga një gjykatës senegalez.
Ai po vuan dënimin me burgim të përjetshëm për krime kundër njerëzimit. Ky vendim u mor pasi burgu po përdoret si karantinë për të burgosurit e rinj që vijnë. Avokati i tij, Mamadou Diawara kishte kërkuar pushim 60 ditësh për Habre pasi, për shkak të moshës, ai ishte “veçanërisht i prekshëm” nga pandemia e koronavirusit.
Habre, i cili drejtoi Chadin nga 1982 deri në 1990, u dënua për krime lufte dhe krime kundër njerëzimit në një gjyq të mbështetur nga Bashkimi Afrikan në kryeqytetin Senegalez Dakar në vitin 2016. Një komision hetimi Chadian vlerësoi se 40,000 njerëz u vranë nga regjimi i tij.
Pasi u rrëzua, Habre u largua në Senegal dhe për më shumë se 20 vjet jetoi i lirë në një periferi të Dakar, me gruan dhe fëmijët e tij. I quajtur “Pinochet i Afrikës”, Habre u arrestua më në fund në 2013 dhe u gjykua nga një gjykatë speciale e krijuar nga Bashkimi Afrikan nën një marrëveshje me Senegal. Atij iu dha dënimi me burg të përjetshëm.
Top Channel
