Lamtumirë Dimër/ Festivali i famshëm në Hungari  

27/02/2020 16:36

Çdo vit, në fund të shkurtit, rrugët e përgjumura të qytetit hungarez, Mohacs, mbushen nga njerëz të zhurmshëm, të çuditshëm, që mbajnë maska të drunjta dhe veshje të frikshme…

Ata, tregojnë se eventi më i famshëm i karnavaleve në Hungari, Busojaras, ka ardhur. Dhe bashkë me të, edhe pranvera.

Festivali është i larmishëm dhe përfshin demonstrime se si mund të dekorosh maskat. Veç tyre ka edhe një marshim përmes qytetit me karroca me kuaj apo mjete të motorizuara të çuditshme. Një arkivol, që simbolizon dimrin, digjet po ashtu, e pas kësaj, pason festa.

Kjo traditë e fundit të dimrit, daton që nga koha e okupimit osman të Hungarisë, në shekullin e 16. Dhjetëra e mijëra turistë i ndjekin festimet e këtij festivali që është shpallur nga UNESCO pjesë e trashëgimisë botërore.

Top Channel