Kandidatët për në ‘Kushtetuese’ botohen në Fletoren Zyrtare, Presidenti tani duhet të zgjedhë
09/11/2019 18:47
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Janë botuar në Fletoren Zyrtare katër emrat e kandidatëve për në Gjykatën Kushtetuese. Botimi në Fletoren Zyrtare duhet të pasohet nga lëvizja e presidentit Ilir Meta për të zgjedhur gjyqtarin e dytë në ‘Kushtetuese’.
1.Arta Vorpsi 89.642 pikë
2.Fiona Papajorgji 88.785 pikë
3.Elsa Toska 85.428 pikë
4.Marsida Xhaferllari 82.000 pikë
Kushtetuta përcakton se kandidati i renditur i pari në listën e Këshillit të Emërimeve në Drejtësi (KED) duhet të zgjidhet edhe si anëtar i Gjykatës Kushtetuese.
Pasi zgjodhi Besnik Canin në këtë gjykatë, Meta nuk ka pranuar të lëvizë për përzgjedhjen e emrit të dytë, pasi si Presidencës, ashtu edhe Kuvendit, u është vendosur në dispozicion e njëjta listë me emra. Sipas Metës, kjo do të cënonte procesin e përzgjedhjes në Kuvend për dy anëtarë të tjerë të Gjykatës Kushtetuese.
Taulant Balla, kreu i Grupit Parlamentar të PS, deklaroi sot se “të hënën mbyllim vakancat në Gjykatën Kushtetuese, pra do zgjidhen dy të tillë, deri në janar do zgjidhet i treti”.
Zgjedhja e gjyqtarit të ‘Kushtetueses’, Presidenca: Do e dekretojmë menjëherë pas Kuvendit
Top Channel
