U skualifikuan nga tenderi, “Gjoka” padit drejtoren e ARRSH
17/09/2019 12:25
Bonusi i bebes nga programi i qeverisë, Rama: E kanë përfituar 210 mijë fëmijë që nga viti 2019 23/04 08:16
Pak ditë pasi u vendos anulimi i gjithë procedurës së tenderit të ndërtimit të tunelit të rrugës Kardhiq-Delvinë komopania që fitoi të drejtën e ndërtimit “Gjoka Konstruksion” ka bërë padi ndaj drejtueses së ARRSH Sonila Qato.
Në padinë siguruar nga Top Channel, kompania e cila njëherësh po punon edhe në rrugën e Arbrit, i kërkon prokurorisë që të hetojë drejtuesen e ARRSH për shkelje të ligjit.
Në tenderin e ndërtimit të tunelit me vlerë mbi 20 milionë euro, ARRSH shpalli fitues një kompani me ofertën më të lartë me 19.1 milionë euro duke skualifikuar kompanitë e tjera edhe me arsyetimin se kishin falsifikuar dokumentet.
Ky vendim u ankimua nga KPK dhe kjo e fundit shpalli fitues ofertën më të ulët që ishte Gjoka Konstruksion me rreth 15 milionë euro.
Por ndërsa kishte nisur edhe një betejë ligjore, Ministria e Infrastrukturës kërkoi anulimin e gjithë procedurës duke i çuar fondet në një tjetër projekt që ende nuk është përcaktuar.
Edhe pse u bë kjo lëvizje, situata nuk u qetësua dhe sot është kërkuar ndërhyrja e prokurorisë.
Top Channel
