Një kabinë elektrike u dogj mbrëmë rreth orës 21:00, duke lënë pa energji elektrike disa banesa rreth saj në Fushë Krujë. Kabina “Kastriot i Vjetër”, operonte me pajisje të vjetra 6 kV, e ndërtuar me arkitekturë tip kullë që në kohën e elektrifikimit.

Për shuarjen e zjarrit u angazhua zjarrfikësja, ndërsa OSHEE stakoi fiderin për masë sigurie. Me normalizimin e situatës, brigadat e OSHEE Agjencia Fushë Krujë, së bashku me një staf suport të ardhur nga Drejtoria Rajonale Durrës, evidentuan dëmet dhe organizuan planin e veprimit, i cili konsiston në vendosjen e pajisjeve të reja 20kV, në të gjitha pjesët përbërëse të kabinës.

Sikurse shihet në foto, në krah të kabinës së djegur, ndodhet kabina e re, e cila do të pajisjet me aksesorët e nevojshëm, për ta vendosur në funksion brenda ditës së sotme.

“Theksojmë se punimet për kabinën e re përputhen me planin e investimit të OSHEE për zëvendësimin e rrjetit elektrik nga 6 në 20kV, projekt ky në zbatim prej dy vitesh në qytetin e Fushë Krujës”, njofton OSHEE.

Top Channel