Turistët rritën çmimet/ Në gusht u prekën ushqimet dhe pijet alkoolike

Sipas Institutit të Statistikave, norma e inflacionit në gusht ishte 1,4% nga 3% që është objektivi i bankës qendrore.

Kjo është një tendencë e ndjekur gjatë gjithë këtij viti ku indeksi i çmimeve të konsumit ka qenë poshtë nivelit 2%.

Gjithsesi gushti është muaji i parë që norma e inflacionit i rikthehet rritjes që nga marsi i këtij viti.

Ecuria e indeksit të çmimeve të konsumit

Viti 2019

Janar 1,6%

Shkurt 0,6%

Mars -0,3%

Prill -0,2%

Maj -1%

Qershor -0,3%

Korrik -0,1%

Gusht 0,3%

Burimi:Instat

Rritja vjetore e çmimeve në muajin Gusht është ndikuar kryesisht nga grupi “Ushqime dhe pije joalkoolike. Krahasuar me një vit më parë rritja e këtij grupi është 2,4 %.

Ndërkohë çmimet e transportit u rritën me 1,2% krahasuar me gushtin e 2018, pijet alkoolike dhe duhani me 1,5%, veshjet dhe këpucët me 0,2% ndërsa energjia dhe lëndët ndjekëse me 0,8%. i vetmi grup me ulje është ai i shëndetit me 0,1%.

Ndryshimet vjetore në çmimet e konsumit

Gusht 2019

Ushqime dhe pije joalkoolike 2,4%

Pije alkoolike dhe duhan 1,3%

Veshje dhe këpucë 0,2%

Qira, ujë, lëndë djegëse, energji 0,8%

Mobilje, pajisje shtëpie 1,5%

Shëndeti -0,1%

Transporti 1,2%

Komunikimi 0,1%

Argëtim dhe kulturë 2,2%

Shërbimi arsimor 0,8%

Hotele, kafene dhe restorante 1,1%

Mallra dhe shërbime të ndryshme 0,1%

Burimi:Instat

Ndryshimet e indeksit të çmimeve të konsumit lidhet direkt me zhvillimet në ekonomi. Një rritje e ulët zakonisht paraprihet nga një konsum i dobët.

Top Channel