Urë e re bashkëpunimi në fushën audiovizive, nënshkruhet memorandumi mes Shqipërisë dhe Portugalisë
23/11 10:38
Top Channel raportoi në edicionin e orës 15:00 të kësaj të mërkure për ekzistencën e një propozimi për dhënien me koncesion të sigurisë ushqimore.
Në fakt, propozimi ndodhet në tryezën e Qeverisë. Propozimi për këtë koncesion ka ardhur nga një grup industrialistësh vendas, që kanë përgatitur një raport të plotë për sigurinë ushqimore.
Pas këtij lajmi, ministri i Bujqësisë dhe Zhvillimit Rural, Niko Peleshi kontaktoi Top Channel për të thënë se një raport i tillë nuk ka mbërritur në Ministrinë që ai drejton.
Ministri Peleshi i tha Top Channel se raporti ka mbërritur pranë Autoritetit Kombëtar të Ushqimit dhe se ai nuk e ka lexuar raportin, por i është referuar vetëm një herë për rastin e aflatoksinës.
Ministri Peleshi i tha Top Channel se as Qeverisë dhe as Ministrisë nuk i është kërkuar të japë mendim për një partneritet publik-privat për sigurinë ushqimore.
Top Channel
