Memaliaj, miniera e shkatërruar plotësisht

Interesi për këtë zonë me pasuri të madhe minerare ka nisur që prej viteve 30 kur ekspeditat e ndryshme të specialistëve italianë kanë mbetur në memorjen e banorëve të zonës. Gjatë periudhës së socializmit miniera u kthye në njërën prej qendrave prodhuese kryesore të vendit. Punimet për ndërtimin e saj dhe hapjen e puseve të reja kanë shkaktuar dhjetëra viktima.

Në vitin 90 në këtë minierë punonin rreth 4000 punëtorë ndërsa kapaciteti i prodhimit arriti atëherë në 500 000 t në vit. Pas viteve 90 filloi dhe periudha e degradimit të minierës. Këtu nuk pati më asnjë investim ndërsa numri i punetorëve ra paralelisht rënies së prodhimit. Miniera u mbyll përfundimisht me miratimin e ligjit të falimentit në vitin 1999.

Një tjetër punonjës i kësaj miniere Skënder Tata i cili kontribuoi për 23 vjet si teknik i mesëm thotë se me mbylljen e minierës qyteti mori fund.

Sot në Memalij ku cdo shtëpi ka në përbërjen e saj një ish minator gjysma e familjeve trajtohen me ndihmë ekonomike, popullsia e qytetit është përgjysmuar prej emigracionit dhe varfërisë. Ndërsa këtu në minierë skeletet masive metalike grabiten cdo ditë dhe shiten për skrap. Specialistët thonë se kapaciteti shfrytëzues i minierës është shumë i lartë dhe investimi mund ta rikthejë në punë por deri me sot në sipërfaqe të tokës janë vetëm rrënojat e një aktiviteti 53-vjecar.

Top Channel