Pas mijëra arrestimeve dhe dëbimeve, Trump pranon: Ishim shumë të ashpër me emigrantët

Në intervistën për rrjetin televiziv CBS, presidenti i SHBA-së përmendi ndër faktorët kryesorë Iranin dhe komunikimin e dobët.

Megjithatë, ai e pohoi gjithashtu se edhe fushata e ashpër e administratës së tij kundër klandestinëve,  gjatë së cilës mijëra emigrantë pa dokumente u arrestuan dhe u dëbuan, kishte shkuar shumë larg.

“Ishte ca si shumë e ashpër si politikë, e pranoj. Mendoj se mund të ketë qenë vërtet tepër e ashpër”, tha Trump, duke iu referuar veçanërisht emigrantëve që kanë jetuar në vend prej dhjetë vitesh ose më shumë, pa kryer krime të rënda.

Ky ishte një rrëfim domethënës nga ana e kreut të administratës amerikane, që tregoi kështu se një çështje mbi të cilën ndërtoi fushatën e tij zgjedhore në vitin 2024, brenda dy vitesh është kthyer në një temë politikisht të dëmshme.

Në prapaskenë, Trump ka shprehur rezerva për disa nga metodat që administrata e tij ka përdorur për të ndaluar dhe deportuar emigrantët.

Megjithatë, mbetet e paqartë nëse Trump po shqyrton ndonjë ndryshim në axhendën e tij për emigracionin, edhe pas pranimit se politikat e ndjekura kanë qenë vecanerisht të ashpra.

Ai së fundi emëroi arkitektin e këtyre politikave, Stephen Miller, në postin e shefit të ri të kabinetit të tij.

Top Channel