Paraditen e sotme në rrugën kombëtare Gjirokastër-Kakavijë është regjistruar një aksifent rrugor.
Përplasja midis një automjeti dhe një motoçiklete ka ndodhur në afërsi të fshatit Haskovë, Dropull ndërkohë që ka ngelur një person i lënduar, bën me dije korrespondentja e Top Channel Entjola Budo.
I plagosuri, drejtuesi i motorit, është transportuar në Spitalin Rajonal të Gjirokastrës për ndihmën e nevojshme mjekësore. Sipas bluzave të bardha gjendja e tij shëndetësore është jashtë rrezikut për jetën.
Forcat e policisë ndodhen në vendngjarje dhe po kryejnë hetime për të përcaktuar rrethanat në të cilat ka ndodhur aksidenti rrugor.
Top Channel
