Një shpërthim me lendë plasëse ka tronditur Shkodrën mbrëmjen e sotme.
Siç raporton gazetari i Top Channel, Klodian Zhivani, shpërthimi ka ndodhur në unazën perëndimore të qytetit dhe i është vendosur një makine.
Mjeti është në pronësi të policit të Kriminalistikës, Ardjan Bacina.
Nga informacionet paraprake, bëhet e ditur se nuk raportohet për të lënduar, por nga shpërthimi është dëmtuar dera e banesës.
Njoftimi i Policisë së Shkodrës:
Rreth orës 20:50, në lagjen “Guerrile”, automjeti i shtetasit A. B., punonjës policie, i parkuar në rrugë, para banesës, është dëmtuar, dyshohet me lëndë plasëse.
Grupi hetimor, nën drejtimin e Prokurorisë, vijon punën për zbardhjen e rrethanave të rastit, identifikimin dhe kapjen e autorit/autorëve.
Top Channel
