Rritja e çmimit të naftës, Meloni gati të ulë akcizën: Kërkon fleksibilitet nga BE-ja 08/10 17:02
Skema e ngjyrave
Madhësia e shkrimit
Rusia i mohon raportimet se ka një rast të dytë të dyshuar të murtajës pulmonare në Siberi.
Zëdhënësi i Kremlinit, Dmitry Peskov insistoi se pjesa dërrmuese e pretendimeve mediatike për situatën përbëjnë në fakt informacion të rremë.
Ai tha se të dhënat mbi rastet e dyshuara duhet të merren vetëm nga deklaratat zyrtare të autoritetit rus të shëndetit publik, Rospotrebnadzor.
Autoritetet ruse kanë konfirmuar më herët vdekjen e një 28-vjeçareje, punonjëse në një institut kërkimor për murtajën në Irkutsk, duke thënë se ajo ishte diagnostikuar me pneumoni, por duke i mëshuar idesë së shkaku i sëmundjes ishte i panjohur.
Pikërisht fshehtësia me të cilin po trajtohet kjo cështje nga Moska, ka nxitur shqetësimet ndërkombëtare mbi mundësinë e murtajës, duke shtyrë OBSH-në të kërkojë nga Rusia informacione të mëtejshme.
Kreu i saj, Tedros Adhanom Ghebreyesus, thotë se organizata ka marrë informacione nga dy media, njëra prej tyre ruse, dhe i ka kërkuar Moskës të përgjigjet zyrtarisht.
Ndërkohë, Qendrat Amerikane për Kontrollin dhe Parandalimin e Sëmundjeve, CDC, vlerësojnë se rreziku që mund t`i kanoset SHBA-së nga kjo sëmundje është i ulët, dhe theksojnë se aktualisht, nuk ka vend për panik.
Top Channel
