Doli nga laboratori rus, çfarë është murtaja pneumonike që po shqetëson botën 07/10 17:08
Skema e ngjyrave
Madhësia e shkrimit
Një incident i ri ka ndodhur brenda 24 orëve në një shkollë të mesme në lagjen Esenyurt të Stambollit, pasi një sherr midis nxënësve të së njëjtës klasë u përshkallëzua në një sulm me thikë.
Sipas mediave turke, një nxënës 16-vjeçar, dyshohet se ka goditur me thikë dy nga shokët e tij të klasës, të moshës 15 dhe 14 vjeç.
Gjatë incidentit, një nxënës tjetër 14-vjeçar që ndodhej në të njëjtin vend u plagos lehtë.
Incidenti ndodhi në një shkollë të mesme në lagjen Barbaros Hayrettin Pasha. Për një arsye që ende nuk dihet, nxënësit e së njëjtës klasë filluan të grindeshin. Tensioni u përshkallëzua shpejt dhe pasoi një sherr.
Hetimi fillestar i policisë zbuloi se 16-vjeçari dyshohet se sulmoi një 15-vjeçar dhe një 14-vjeçar me thikë. Një tjetër 14-vjeçar që ndodhej në vendngjarje u plagos gjatë incidentit.
Pas një telefonate drejtuar autoriteteve, forcat e policisë dhe ambulancat nxituan drejt shkollës. Tre të plagosurit morën ndihmën e parë dhe më pas u transferuan në spital, ku trajtimi i tyre vazhdon.
16-vjeçari që dyshohet se kreu sulmin është vënë nën mbikëqyrje të policisë. Autoritetet tani po hetojnë shkaqet e sherrit dhe rrethanat e sakta në të cilat ndodhi incidenti.
Kujtojmë se dje në mëngjes, një vajzë 15-vjeçare sulmoi me thikë dhe plagosi tetë nxënës të shkollës së mesme në Başaksehir të Stambollit. Një nga vajzat e plagosura, 10 vjeç, humbi jetën disa orë më vonë.
Top Channel
