Ka përfunduar protesta e radhës e zhvilluar sot në Prishtinë, në kundërshtim me dënimet e ish-krerëve të Ushtrisë Çlirimtare të Kosovës nga Gjykata Speciale.
Në përfundim të protestës, organizatorët kanë dorëzuar pranë institucioneve të Kosovës 120 pako me projektligjin për ndryshimin e ligjit për Dhomat e Specializuara të Kosovës, të njohura si Gjykata Speciale.
Sipas pamjeve nga vendngjarja, pakot janë dërguar drejt Qeverisë së Kosovës nga Çlirim Haziri dhe fëmijë të dëshmorëve.
Protesta u zhvillua në shenjë kundërshtimi ndaj vendimeve të Gjykatës Speciale ndaj ish-drejtuesve të UÇK-së dhe kërkesave për ndryshime ligjore lidhur me funksionimin e saj.
Top Channel
