Përplasja për pagat në sistemin e drejtësisë vijon të mbajë në tension raportet mes përfaqësuesve të gjyqësorit dhe qeverisë.
Kryeministri Edi Rama ka thirrur këtë të hënë, në orën 12:30, një tryezë diskutimi për piramidën e pagave në drejtësi, por dy organizatat përfaqësuese të gjyqtarëve dhe Gjykata e Lartë kanë vendosur të mos marrin pjesë, raporton gazetarja e Top Channel Anila Hoxha.
Unioni i Gjyqtarëve të Shqipërisë dhe Shoqata Kombëtare e Gjyqtarëve kanë refuzuar pjesëmarrjen në takimin e thirrur nga kryeministri Rama.
Shoqata e Gjyqtarëve ka bërë me dije se çështja e pagave tashmë është dërguar për shqyrtim në Gjykatën Kushtetuese. Ata deklarojnë se nuk janë kundër dialogut, por se këtë do ta bëjnë vetëm pasi të flasë ‘Kushtetuesja’.
Top Channel
