Jackpoti prej 223 milionë euro kthehet në betejë ligjore, ish-gruaja i kthehet në ‘makth’ burrit që fitoi shumën marramendëse 25/09 12:19
Skema e ngjyrave
Madhësia e shkrimit
Dy persona, një burrë 65-vjeç dhe një grua 73-vjeçare, kanë humbur jetën si pasojë e një zjarri të përmasave të mëdha që shpërtheu gjatë natës në Lucca, në Toskanë, në veriperëndim të Italisë.
Zjarri përfshiu një ndërtesë trekatëshe, ndërsa bilanci i incidentit është 2 viktima dhe 13 të plagosur, mes tyre edhe fëmijë.
Sipas autoriteteve, flakët nisën në katin përdhes dhe u përhapën me shpejtësi në ndërtesë. Disa familje u detyruan të dilnin në ballkone, duke pritur ndërhyrjen e forcave të shpëtimit. Zjarrfikësit arritën të shpëtonin edhe një foshnjë nga ndërtesa.
Trupat e dy viktimave u gjetën pasi përfundoi operacioni për shuarjen e zjarrit. Ata jetonin në të njëjtin apartament ku kishte nisur zjarri. Gruaja u gjet e djegur në dhomën e ndenjes, ndërsa burri u gjet në dhomën e gjumit. Sipas vlerësimeve fillestare, 65-vjeçari dyshohet se ka humbur jetën nga thithja e tymit dhe produkteve të djegies.
Shkaqet e zjarrit mbeten ende nën hetim nga Departamenti i Zjarrfikësve.
Mes 13 të plagosurve, një grua ndodhet në gjendje më të rëndë dhe është transferuar në Qendrën e Djegieve në Pisa për trajtim të specializuar.
Ndërkohë, Bashkia e Lucces ka nisur procedurat për strehimin e përkohshëm të banorëve të evakuuar, pasi ndërtesa është shpallur e pabanueshme.
Top Channel
