Trupi gjykues konstatoi se Rexhep Selimi dha kontribut në zbatimin e qëllimit të përbashkët kriminal.
Sipas gjykatësit Charles Smith, Selimi, si anëtar i Shtabit të Përgjithshëm të UÇK-së, luajti rol thelbësor në krijimin e zonave operative, të cilat i inspektonte rregullisht.
Ai gjithashtu merrte raporte të shpeshta për persona të dyshuar dhe të konsideruar kundërshtarë.
Trupi gjykues konstatoi se Selimi ishte në dijeni se njësi të UÇK-së po shënjestronin persona të caktuar.
“Fakti që s’kishin treguar besnikëri apo përkrahje të UÇK-së, ose kishin shoqëri me serbët ose të punuar në firma serbe, ishin të mjaftueshme për t’i konsideruar kolaboracionistë.
Selimi ishte natyrë themelues i UÇK-së dhe anëtar i Shtabit para fillimit të konfliktit dhe mori pjesë në shpërndarjen e komunikatave në kohën e luftës.
I dha atij më pak pushtet se anëtarët e tjerë të UÇK-së.
Si anëtar i Shtabit dhe shef i Drejtorisë Operative, luajti rol thelbësor në krijimin e zonave operative të UÇK-së.
Nuk ishte kriminal krijimi i zonave operative. Ai i inspektoi rregullisht këto zona operative dhe mori informacione për zonat kolaboracioniste.
Zoti Selimi ishte i vetëdijshëm se njësitet e UÇK-së po shënjestronin persona të dyshuar dhe kolaboracionistë.
Për shkak të përfshirjes së tij në kohën e paraluftës, ai ishte në dijeni se kjo ishte politika e UÇK-së. Selimi emëroi persona besnikë në pozita kyçe; shumica kryenin krime ose ishin në dijeni të krimeve.
Ai inkurajoi dhe mori pjesë në mënyra të ndryshme”, u shpreh gjyqtari.
Top Channel
