Alarm në Detin e Kuq, Houthit synojnë ishullin që kontrollon një nga rrugët më të rëndësishme detare. Rrezikohet tregu botëror i naftës 10/09 13:38
Skema e ngjyrave
Madhësia e shkrimit
Qeveria gjermane po shqyrton masa më të ashpra kundër të ashtuquajturës “flotë hije” ruse, e cila dyshohet se përdoret nga Moska për të anashkaluar sanksionet ndërkombëtare dhe, në disa raste, për aktivitete të dyshuara sabotimi dhe spiunazhi.
Bëhet fjalë kryesisht për cisterna nafte të vjetra, me mirëmbajtje të dobët, sigurim të pamjaftueshëm dhe pronësi të paqartë. Sipas ekspertëve, ndalimi i tyre nuk është i thjeshtë, pasi e drejta ndërkombëtare garanton lirinë e lundrimit tregtar në det të hapur. Deputetja gjermane e të Gjelbërve për çështjet e sigurisë, Sara Nanni, e kritikoi qeverinë për atë që e konsideron një reagim të pamjaftueshëm. Sipas saj, Rusia e përdor flotën hije për të financuar luftën kundër Ukrainës dhe politikën e saj agresive ndaj Europës.
Finlanda është një nga vendet që ka ndërmarrë hapa më të vendosur. Në fund të vitit 2024, autoritetet ndaluan cisternën “Eagle S.”, e dyshuar se kishte dëmtuar një kabllo elektrike nënujore mes Finlandës dhe Estonisë. Edhe Britania e Madhe, Franca dhe Suedia kanë shtuar kontrollet ndaj anijeve të dyshuara si pjesë e flotës hije.
Mes gjermanëve megjithatë ekziston frika se masat më të ashpra mund të sjellin përshkallëzim të tensioneve me Rusinë, edhe pse ekspertë të sigurisë argumentojnë se përvoja e vendeve të tjera europiane tregon se veprimet më të vendosura nuk kanë sjellë deri tani një përshkallëzim të drejtpërdrejtë nga Moska.
Top Channel
