Dëgjesa publike e zhvilluar në Rrajcë për Reformën e Re Territoriale është mbyllur me tensione dhe braktisje nga ana e banorëve.
Takimi, i menduar si një tryezë konsultimi mbi të ardhmen e Bashkisë së Përrenjasit, degradoi në debate pasi deputetët e PS refuzuan të mbajnë një qëndrim.
Gjatë takimit, banorët e Rrajcës kërkuan me ngulm nga deputetët socialistë të zonës, Bora Muzhaqi dhe Olsi Komici, që të deklaroheshin hapur pro apo kundër planit të ri territorial.
Përballë kërkesës për të mbajtur qëndrim, deputetët zgjodhën të shmangnin një përgjigje përfundimtare pro ose kundër. Kjo heshtje u interpretua nga të pranishmit si një përpjekje për ta kaluar takimin si një procedurë thjesht formale burokratike, pa marrë asnjë zotim politik përpara banorëve që i kanë votuar ndërsa pro tyre u rreshtuan deputetë të PD.
Të zhgënjyer nga mungesa e transparencës banorët e Rrajcës e cilësuan takimin të pavlefshëm dhe e braktisën.
Top Channel
