Dy persona janë arrestuar për zjarrvënie të qëllimshme, një në Krujë dhe një në Vlorë.
Si rezultat i veprimeve të shpejta operacionale, të kryera nga shërbimet e Komisariatit të Policisë Krujë, menjëherë pas njoftimit për një vatër zjarri në fshatin fshatit Zallë, u mundësua arrestimi në flagrancë i autorit të dyshuar të rastit, shtetasit I. H.(K.), 67 vjeç.
Ky shtetas dyshohet se ka ndezur zjarr në sipërfaqen e tokës në pronësi të tij, për të djegur mbeturina bimore.
Zjarri ka dalë jashtë kontrolli dhe si pasojë e përhapjes së tij janë djegur sipërfaqe toke të konsiderueshme dhe pemë frutorë, në fshatin Zallë dhe në zonat përreth.
Ndërkohë në Vlorë, për një rast të zjarrvënies në vendin e quajtur “Qafa e Petës”, më datë 06.07.2026, u bë i mundur identifikimi i autorit të dyshuar, shtetasit A. S., 52 vjeç, banues në fshatin Mallkeq. Në përfundim të veprimeve, ky shtetas u arrestua për veprën penale “Shkatërrimi i pronës me zjarr”.
Nga përhapja e zjarrit që ndezi ky shtetas, u dogjën një sipërfaqe toke me bimësi të egër dhe pemë ulliri.
Gjithashtu, u shpallën në kërkim shtetasit R. S., 62 vjeç dhe I. S., 35 vjeç, banues në fshatin Mallkeq (vëllai dhe kushëriri i shtetasit të arrestuar), pasi gjatë shoqërimit të shtetasit A. S., kanë kundërshtuar punonjësit e Policisë që t’i pengonin në kryerjen e detyrës dhe më pas janë larguar.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
Top Channel
