Një çështje mes Kejvina Kthellës dhe Anela Osmanit ka përfunduar në Prokurorinë e Tiranës, pas një kallëzimi që lidhet me shumën prej 8 mijë eurosh.
Sipas raportimeve, Kthella pretendon se ia kishte dhënë shumën Osmanit për ta ruajtur. Më pas, kur ka kërkuar kthimin e parave, ato nuk i janë kthyer.
Në kuadër të hetimeve, Prokuroria e Tiranës raportohet se ka vendosur marrjen e Anela Osmanit si të pandehur për veprën penale “Mashtrim”.
Në dosjen e çështjes raportohet se, lidhur me moskthimin e shumës, është dhënë edhe shpjegimi: “Kam harruar kodin e kasafortës”.
Marrja si e pandehur nuk nënkupton shpalljen fajtore. Çështja pritet të vijojë sipas procedurave ligjore, ndërsa përgjegjësia penale do të përcaktohet nga gjykata.
Anela Osmani mban detyrën e kryeinspektores në një institucion të shëndetësisë shqiptare.
Top Channel
