Kryeministri Edi Rama ka reaguar në rrjetin social “X” për aludimet se qëndron pas mbylljes së 200 llogarive në rrjete sociale që kishin lidhje me protestën.
Ai ka hedhur poshtë akuzat duke mohuar lidhjet, teksa shton se nuk kanë aftësinë teknike për të kryer një operacion të këtij lloji.
How can these agitators call themselves democrats while publishing such a shameless visual insinuation?
I have lived with the blame and shame games of my opponents for as long as I have been in politics. But when this low form of propaganda comes from people parading as European… pic.twitter.com/2sXqOLMx8v
— Edi Rama (@ediramaal) September 3, 2026
“Si mund ta quajnë veten demokratë këta agjitatorë, ndërkohë që publikojnë një aludim kaq të paturpshëm vizual? Kam jetuar me lojërat e fajësimit dhe turpit të kundërshtarëve të mi për aq kohë sa kam qenë në politikë. Por kur kjo formë e ulët propagande vjen nga njerëz që parakalojnë si demokratë evropianë, është vërtet për të ardhur keq. Po sikur e gjithë kjo dredhi të vijë nga të njëjtat burime dashakeqe që nxitën të ashtuquajturin “Revolucion Flamingo”, shumë prej të cilëve nxitën edhe kaosin në Ceuta? Pse?
E thjeshtë: t’i japim jetë një “revolucioni” që tashmë është shuar. A nuk ka kuptim kjo? Sigurisht që po. Por me sa duket jo vetëm për këta demokratë në emër. Pra, le të jem absolutisht i qartë: ne nuk kemi të bëjmë fare me çaktivizimin ose kufizimin e ndonjë llogarie në mediat sociale, as nuk kemi aftësinë teknike për të kryer një operacion të këtij lloji. Turp për të gjithë këtë bandë dështimesh që përhapin gjëra të tilla të pakuptimta🤡“, shkruan Rama në “X”.
Rama pak minuta më vonë bëri një reagim të dytë, duke folur për protestën, ku thekson se kanë përballuar me buzëqeshje sharjet dhe akuzat poshtë Kryeministrisë.
“Kurse kujtdo që flet shqip dhe shpërndan nëpër kanalet sociale dozën e helmit të radhës, kësaj radhe për këtë censurën e sofistikuar të profileve, i them se në qoftë e vërtetë kjo punë, jo vetëm regjimi im diktatorial që nuk ka ndaluar asnjë lloj proteste dhe ka përballuar me buzëqeshje tërë lumenjtë e sharjeve me libër shtëpie poshtë dritares, s’ka asnjë lidhje në këtë mes, por për më tepër, as ky shtet dhe as shumica dërmuese e shteteve të këtij planeti, nuk kanë asnjë kapacitet që ta bëjnë një gjë të tillë”, shton Rama në një reagim të dytë.
Top Channel
